David Coll recitará poemas en galego e en castelán, de autores como Luis Pimentel, Celso Emilio Ferreiro, Curros Enríquez, Valle-Inclán e Rosalía de Castro.

David Coll naceu en Madrid en 1971. Realizou estudos de Filosofía e de Filoloxía Hispánica na Universidade Complutense de Madrid. Ao longo da súa traxectoria literaria foi gañador, entre outros, do segundo premio do III Certame de Poesía Luna Azul, de 2006 e o mesmo ano, do II Premio del III Certame de Poesía Antonia Pérez Alegre. Quedou finalista en diversos premios de poesía. Parte da súa obra poética foi publicada en diversas revistas. Ofreceu diversos recitais e conferencias e é autor de tres obras teatrais "El infierno de Don Juan Tenorio", "El imposible de Pierrot" e "La Locura de la Bohemia".